سؤال رجاء التنبيه على خروج القداس في الميعاد المحدد لأن احنا موظفين؟

سؤال:

رجاء التنبيه على إخراج القداس الأول في الميعاد المحدد حتى يمكنا استكماله، وعدم الخروج قبل نهايته لأننا موظفين، هذا ما يحدث في كنيسة كذا (وقال اسمها) ولا نتمكن من التناول؟ ^[1]

الإجابة:

نرجو من الآباء الكهنة إنهم يراعوا موضوع قداس الموظفين، لأن إحنا بنعمل قداس الموظفين بدري علشان يروحوا شغلهم مش علشان نعطلهم عن الشغل، يعني إنهم يتناولوا قبل ما يرحوا الشغل مش إنهم يتعطلوا عن الشغل.

تاني حاجة نرجو هذا الأمر نفسه من الشمامسة، لأن ساعات الكاهن يختصر في القداس والشماس يعجبه لحن يقعد يطول فيه، الكاهن يكون قاعد يقول المجمع بسرعة ويخلصه والشماس يطلع في مخه يقول (بنشتي)، يا عم هو القداس من غير (بنشتي) ما يبقاش قداس؟ ما هو ممكن يبقى قداس قلتها أو ما قلتهاش لكن أهو طلع فيه، أو الشمامسة يرتلوا بتطويل وراحة على الآخر وينسوا إن ده قداس موظفين، فلازم قداس الموظفين يكون معروف إنه ينتهي في وقت يمكن الموظف من إنه يروح لشغله.

 أنا هنبه على الناس دول لأن قالوا اسم الكنيسة.

^{[1] سؤال أجاب عنه قداسة البابا شنوده في عظة بعنوان “الثمر في روحياتنا” بتاريخ 4 نوفمبر 1992م}