سؤال بيقول ما رأى قداستكم في زوجتي التي تقول أنا مش عايزاك بعد زواج 12 سنة؟

سؤال:

واحد بيقول: ما رأى قداستكم في زوجتي التي تقول: أنا مش عايزاك بعد زواج 12 سنة؟ ^[1]

الإجابة:

شوف يا ابني بص الكتاب بيقول: “ما يَزْرَعُهُ الإِنْسَانُ إِيَّاهُ يَحْصُدُ” (غلا6: 7)، فأنت لو زرعت محبة كنت تحصد محبة، ما زرعتش محبة بتقولك: مش عايزاك. شوف هي زعلانة منك في إيه؟ وصالحها. شوف هي زعلانة منك في إيه وصالحها.

مش ممكن امرأة يكون الزوج بيعاملها معاملة بمحبة وتقول له الكلمة دي!! فلازم أنت ما عاملتهاش معاملة كويسة 12 سنة، دا لو واحد عنده قط مربية في البيت 12 سنة ما يقدرش يستغنى عنه، فأنت تشوف هي زعلانة منك في إيه؟ وتروح تصالحها، والكتاب بيقول: “أَيُّهَا الرِّجَالُ، أَحِبُّوا نِسَاءَكُمْ كَمَا أَحَبَّ الْمَسِيحُ الْكَنِيسَةَ (وبذل ذاته عنها) وَأَسْلَمَ نَفْسَهُ لأَجْلِهَا” (أف5: 25)، يعني شوف المسيح أحب الكنيسة لدرجة إيه، وبذل نفسه عنها؟ أنت المفروض تحب مراتك بهذا الشكل.

أنت مش باعت لي جواب تشتكي لي مراتك أنت باعت لي سؤال تشتكي نفسك، روح صالحها.

^{[1] سؤال أجاب عنه قداسة البابا شنوده في عظة بعنوان “إنذارات من الله” بتاريخ 21 أكتوبر 1992م}