سؤال بيقول إن قداستكم لا تسمحوا بوقوف الشباب في الكاتدرائية مهمة كانت الظروف؟

سؤال:

واحد بيقول: يقولون إن قداستكم لا تسمحوا بوقوف الشباب في الكاتدرائية مهما كانت الظروف، ولكن هناك بعض القائمين على تنفيذ القرار ينفذونه بأسلوب غير لائق ولا يعطونا وقت للنقاش؟ ^[1]

الإجابة:

احنا ما نقولش حد ما يوقفشي، احنا قلنا بلاش الثنائيات اللي بتكون بره، وأنت عارف طبعًا أقصد إيه بالثنائيات؟ يعني يبقى الوعظ موجود في الكاتدرائية وأنت سرحان في حاجة تاني مش صح، فاللي يمشي صح ما يعرضش نفسه لكلام القائمين عن النظام، لأنك أنت يا ابني جاي في الوقت ده عشان إيه؟! جاي تسمع عظة، ولا جاي مقابلات خاصة، المقابلات الخاصة دي مش مكانها هنا، هنا للعظة اللي جاي لأجل ربنا يتفضل مرحبًا به واللي جاي من أجل هذه الثنائيات نقول له ده مش مكانها، مش مكانها وطبعًا مفيش حته تاني يبقى مكانها يعني مش معناها إن احنا بنصرح له بهذه العشرة في مكان آخر، بس يعني جوه المكان ده مش هو ده الغرض بتاع المجيء يعني.

^{[1] سؤال أجاب عنه قداسة البابا شنوده في عظة بعنوان “عوائق وليست موانع” بتاريخ 9 ديسمبر 1992م}