سؤال أنا فتاة قابلني شاب بعد الاجتماع وطلب مني إنه يتعرف عليَّ؟

سؤال:

بنت بتقول أنا فتاة قابلني شاب بعد الاجتماع – يظهر بعد الاجتماع ده يعني – وطلب مني إنه يتعرف عليَّ فكلمته، وطلب مني مقابلة أخرى ليتعرف فقابلته؟ ^[1]

الإجابة:

حكايتك حكاية، لو خرجتي من الاجتماع وشاب حب يتعرف عليكِ، قولي له: أصول تتعرف على ربنا في الأول، وتتعرف على التوبة في الأول، المكان ده مش بتاع مقابلات! وأشمعنا أنتِ يعني ما في كذا ألف بنت موجودة؟

طبعًا هتقول لي: أنا ليّ مواهب معينة، وبعدين بيقول: قال لها أريد أن أعرفك أكتر… أنتِ تعرفينا بالواد ده وإحنا ما ندخلوش الاجتماع تاني، لا لا لأ، لو قابلك تاني سلّمِيه لحد من السكرتارية عندنا وقولي له هو ده اللي يقابلك قبل ما تقابلني. أو قولي له أبقى قابلني.

^{[1] سؤال أجاب عنه قداسة البابا شنوده في عظة بعنوان ” ما هو الحق؟” بتاريخ 12 أغسطس 1992م}