سؤال شخص توفيت زوجته وتزوج أختها وله منها بنتان والزواج تم في كنيسة بروتستانتية وهما ندمان؟

سؤال:

واحد بيقول يوجد شخص أرثوذكسي توفيت زوجته، وبعدها تزوج أخت زوجته وله منها بنتان، وكان الزواج تم على الطريقة البروتستانتية؟ ^[1]

الإجابة:

 يعني الكنيسة ما وافقتش وقالت له ده وضع غير قانوني، فماسألشي وراح عند البروتستانت.

 وهم الآن نادمان ويريدان أن يعيشا حياة الإيمان من اعتراف وتناول؟

الإجابة:

الزواج خطأ يعني الكنيسة ما توافقش عليه، وحكاية البروتستانت ليس عندهم أسرار كنسية، وليس عندهم كهنوت، والزواج عندهم مجرد عقد بتجريه الكنيسة لكن لا يؤمنوا بسر الزواج، يعني ما عندهمش حاجة اسمها أسرار البروتستانت، وما عندهمش حاجة اسمها كهنوت، إن قالوا القس فلان أو فلان يبقى دي معناها راعي كنيسة أو مسئول عنها لكن مش معناها إنه كاهن، يعني كلمة قسيس عند البروتستانت مش معناها كاهن، وتقدر تسأل أي قسيس بروتستانتي تقول له: أنت كاهن؟

يقول لك: ما فيش غير كاهن واحد في السماء وعلى الأرض هو يسوع المسيح، ده البروتستانتي يقولوا كده، وبالتالي لا يؤمنوا بأسرار كنسية اللي بيجريها الكاهن، فالوضع بتاعهم وضع غلط من أوَّله لآخِره، هما عايزين يتوبوا مع بقائهم في الوضع الغلط اللي عايز يتوب يغير الوضع بتاعه.

^{[1] سؤال أجاب عنه قداسة البابا شنوده في عظة بعنوان “الجلوس مع النفس ومحاسبتها بمناسبة الصوم– الاعتراف” بتاريخ 22 مارس 1992م}