سؤال بيقول توفيت زوجتي بعد صراع مع المرض وتَركَت لي طفلين هل يجوز لي الزواج من أختها؟

سؤال:

واحد بيقول: توفيت زوجتي بعد صراع مع المرض وتَركَت لي طفلين، هل يجوز لي الزواج من أختها علمًا بأن أفراد عائلتها ليس لديهم مانع؟ ^[1]

الإجابة:

لكن احنا ككنيسة لدينا مانع.

أخت مراتك تعتبر كأنها أختك، أخت مراتك تعتبر كأنها أختك، وأم مراتك تعتبر كأنها والدتك، وأبوا مراتك يعتبر كأنه أبوك. العيلتين بقوا عيلة واحدة وبزواجك بالسيدة زوجتك اللي اتوفت. الكتاب بيقول: “لَيْسَا بَعْدُ اثْنَيْنِ بَلْ جَسَدٌ وَاحِدٌ” (مت19: 6)، واحد؛ يعني كل قرايبك قرايبها وكل قرايبها قرايبك. قانونًا لا يجوز ليك إنك تاخد أختها، عندك طفلين، دوّر على واحدة تاني تربي لك عيالك، لكن خالتهم ما تبقاش مرات أبوهم. دي غير دي.

وياما قُلنا على الكلام ده وياما نَشرت مقالات في وطني وفي الكرازة، الوضع ده غلط. والقسيس اللي يجوزك هذه الزيجة احنا هنحاكمه في مجلس إكليريكي، أوعى حد يخدعك أو يضحك عليك مهما كانت رتبته.

^{[1] سؤال أجاب عنه قداسة البابا شنوده في عظة بعنوان “العثرات” بتاريخ 25 نوفمبر 1992م}