سؤال واحد جايب حتة من جرنان عنوانها مليون أسيوي ينتظرون نهاية العالم يوم 28 أكتوبر؟

سؤال:

واحد جايب حتة من جورنال بعنوانها (مليون آسيوي ينتظرون نهاية العالم يوم 28 أكتوبر)، والخبر جاي من طوكيو بيقول: (ذكرت بعض الكنائس والمُنظمات الدينية في كوريا الجنوبيَّة والصين وتايوان واليابان وسنغافورة) أن نهاية العالم تحل في منتصف ليلة 28 أكتوبر؟ ^[1]

الإجابة:

نقابلهم إن شاء الله يوم 29 أكتوبر ونسلِّم عليهم.

شوفوا أي إنسان، أي إنسان يُحدد لكم ميعاد لنهاية العالم يبقى بيتكلم كلام لا معنى له إطلاقًا. لأن ربنا بيقول: “ذَلِكَ الْيَوْمُ وَتِلْكَ السَّاعَةُ فَلَا يَعْلَمُ بِهِمَا أَحَدٌ، وَلَا الْمَلاَئِكَةُ الَّذِينَ فِي السَّمَاءِ” (مت24: 36)، يعني هو أعظم من الملايكة؟ كلام مش معقول. ياما الناس كل واحد يحَسبن حسابات ويقول، ويطلع الكلام كله خيالات وبيتكسفوا بعديها. زي شهود يهوه؛ قالوا إن العالم هينتهي سنة 1914م والمسيح هيجي يملُك، وجات 1914م وما جاش المسيح! وبعدين قالوا: لا! ده مَلَك في أورُشليم السماوية فوق! طب وأنتوا شفتوه ساعتها؟! أهو كلام!

ما تصدقش أي إنسان يقول لك: عن نهاية العالم؛ مهما كان؛ شوف مهما كان! لا كنيسة ولا غير كنيسة. ده الكتاب بيقول: “ولا ملائكة الله في السماء” (مت24: 36).

^{[1] سؤال أجاب عنه قداسة البابا شنوده في عظة بعنوان ” ما هو الحق؟” بتاريخ 12 أغسطس 1992م}