سؤال أنا خادمة جديدة عاوزة تعرف كيف تحضر درس مدارس الأحد للأولاد؟

سؤال:

واحدة بتقول أنا خادمة جديدة لأولاد صغار، عايزة أعرف كيف نحضر درس للأولاد؟ رغم إني بحضر دايمًا اجتماع شبات وعيشت باستمرار… ولكن أجي أحضر درس لا أعرف شيء، بحس في حاجة مسيطرة عليَّ ما هي مش عارفة؟ ^[1]

الإجابة:

ما هو لازم يكون في الكنائس في فصول إعداد خدام فأنتِ ما دخلتيش فصل إعداد خدام؟ لازم! وعلى أي الحالات مفروض يكون في كل أسبوع اجتماع للخدام وللخادمات، فممكن في الاجتماع الأسبوعي بتاع الخدام أو الخادمات يعلموكوا إزاي تحضروا الدروس؟ إحنا زمان لما كنا خدام في مدراس الأحد، كان في أسرات في مدارس الأحد، أسرة بتاعت الحضانة وليها اجتماع كل أسبوع، بيتكلموا عن الدرس اللي جاي، وإزاي يحضروه؟

أسرة لابتدائي، أسرة لإعدادي، أسرة لثانوي، بس كانوا بيتسموا الأسرات، بتتسمى بأسماء قديسين يعني أسرة الحضانة مسمينها أسرة الملايكة مثلًا، وكانوا يعني يقعدوا أمين الأسرة مش أمين مدراس الأحد بيقعد معاهم، ويتكلموا في الدرس الجديد، إزاي يحضروه…

يا ريت برضو تشوفوا دي، لو أراد ربنا في الصيف ممكن نعمل لكوا فصول برضو إعداد خدام زي ما كنا بنعمل زمان كل يوم سبت، واللي ما دخلش إعداد خدام قبل كده أهو يخش اللي دخل إعداد خدام وعايز يتثبت أكتر أو ياخد معلومات أكتر مفيش مانع.

^{[1] سؤال أجاب عنه قداسة البابا شنوده في عظة بعنوان “الجلوس مع النفس ومحاسبتها بمناسبة الصوم – الاعتراف” بتاريخ 22 مارس 1992م}