سؤال واحد بيقول ندرت ندر وعندما ذهبت لشرائه وجدته أغلى؟

سؤال:

واحد بيقول: ندرت ندر لكن عندما تقدمت لشرائه وجدته أغلى مما كنت أتوقع، فجاءتني نقود سُلفة من العمل، فهل تنفع لشرائه أم ضروري أن تكون من مرتبي الأساسي؟ ^[1]

الإجابة:

ما دام الفلوس السلفة هترجعها للناس يبقى باقي فلوس بتاعتك، ممكن أنك أنت تدفعها من السلفة بس ترجع السلفة.

وأرجو دايمًا الناس قبل ما يندروا يفكروا في الأول، وإذا كان واحد مثلًا عايز يندر خروف ولا حاجة يسأل في الأول على تمن الخرفان قبل ما يندر الخروف، مش بعد ما يندر خروف يروح يسأل تمن الخرفان كام، ولما يندر خروف مثلاً ويكون عارف تمنه ما يتأخرشِي لأن جايز لما بيتأخر تمنه بيزيد تقول: طيب أنا مسئول عن تمنه ساعة لما ندرت. كذلك أنت مسئول عن التأخير فيبقى التأخير بتاعك هو السبب في الزيادة…

زي ما قلت لكم قبل كده: أن من شروط الندر عدة أشياء، من شروط الندر الوفاء به يعني ما تكسرشي الندر. وفي سفر الجامعة (جامعة 5:5) آية يا ريت تحفظوها (جامعة 5:5) “أَنْ لاَ تَنْذُرُ خَيْرٌ مِنْ أَنْ تَنْذُرَ وَلاَ تَفِيَ” (جا5:5).

وأيضًا الشرط التاني: أنك ما تتأخرش في الندر.. والشرط التالت: ما تغيرش الندر.. يبقى توفي به، ما تتأخرشِ في الوفاء بيه، ما تغيروش…

^{[1] سؤال أجاب عنه قداسة البابا شنوده في عظة بعنوان “الوداعة جـ2” بتاريخ 1 أبريل 1992م}