سؤال أنا بنت في الحادية عشر من عمري ولي أربع أخوات مع الأب والأم ومعاملتهم لي بالضرب والقسوة وبفكر اهرب؟

سؤال:

 واحدة بتقول أنا بنت في الحادية عشر من عمري، ولي أربع أخوات مع الأب والأم ومعاملتهم لي بالضرب والقسوة جدًا جدًا بدون سبب وسبب. ففكرت أكتر من مرة إن أنا أهرب من البيت؟ ^[1]

الإجابة:

 لا يا بنتي تهربي تروحي فين؟ أنتِ تروحي لأقرب قسيس عندكوا تحكي له وتخليه يتفاهِم مع أبوكي وأُمك أو تشوفي عمِك أو خالِك أو حد من قرايبك يتفاهم في الموضوع ده أو تجيلنا وإحنا أبوكي ده إللي بيضرَبِك نجرقط ودانه. ماتخافيش أبدًا.

وأنتوا يا جماعة عيالكوا والقسوة دي بتخليهم يطفَشوا وجايز يجرى لهم حاجات.

أرجوكوا الأبهات والأُمهات يعقلوا مِش العيال يعقلوا، الأبهات والأُمهات يعقلوا ويفكروا إن القسوة الشديدة على العيل إما أن تُلجأه إلى الانحراف أو إنه يهرب من البيت زي ما البنت دي بتقول. أو إنه يدور على مصدَر من الحُب خارج البيت، وجايز ده يخليه ينحرِف أو يتعقَد في نَفسيته نتيجة الضرب والمُعاملة السيئة. أو يفكر إنه يترهبِن، فيه ناس بيفكروا كِده صحيح، طبعًا إحنا بنقبَل الشخص بعد ما نِصفيه كده تصفية كويسة.

^{[1] سؤال أجاب عنه قداسة البابا شنوده في عظة بعنوان “روحياتنا في الصوم الكبير” بتاريخ 21 فبراير 1990م}