اسئلة لاهوت عقيدي

سؤال في يوم القيامة عندما يقوم كل الأموات ما أعمارهم؟

سؤال:

في يوم القيامة عندما يقوم كل الأموات ما أعمارهم، أقصد العمر الذي يموت عنده الإنسان هل يكون ليه نفس العمر؟ يعني الإنسان إللي يموت طفل يقوم طفل والإنسان الكهل يكون كبير في السن؟ ^[1]

الإجابة:

يعني مثلاً أطفال بيت لحم دول إللي قُتلوا، دا قتلوا من قيمة 1990 سنة! يعني هل هيقوموا بأطفال زي ما ماتوا؟ ولا ال 1990 سنة دول إللي مرت عليهم تخليهم يقوموا عواجيز؟

حكاية يبان كبير أو صغير في السن ديّ بتبان في الجسد، إذا كان الجسد مادي زي أجسادنا المادية، لكن نُحن عندما عندما نقوم نقوم بأجسادٍ روحانية، والأجساد الروحانية ما يبنش عليها العجز والكبر، ولكن قطعًا إذا واحد مات طفل هيبان طفل بردوا، لكن الأجساد الروحانية ما بيبنش عليها الحاجات دي، وبتسترد العافية بتاعتها يعني لو واحد مات مريض مش هيقوم مريض، يعني مش هيقوم في القيامة ويقوم معاه السرير اللي هو نايم عليه، هيقوم صحيح يعني كل نقص وكل ضعف يفارقه، لأن في القيامة سوف لا يوجد عجز ولا نقص، وأيضًا الإنسان إللي فيه عاهة معينة مش هيقوم بالعاهة هيقوم كويس، والإنسان المعوق مش هيقوم معوق هيقوم كويس. يعني لا يوجد نقص في الجسد كما إن الأجساد تبقى أجساد روحانية، ويقول الفاسد يلبس عدم فساد، والميت يلبس عدم موت، بحيث يبقى كلها أجساد في نضارة، في صحة، في حيوية، لا يوجد فيها عجز ولا ضعف وطبعًا دي هتغير الشكل شوية في الأبدية لكن طبعًا تبقى أجساد روحانية.

^{[1] سؤال أجاب عنه قداسة البابا شنوده في عظة بعنوان “معالم الطريق الروحي – القوة الحقيقية في المسيحية” بتاريخ 14 فبراير 1990م}