سؤال واحد بيقول عندما أكون في اجتماع أو المحاضرة داخل الكنيسة أو خارجها فكري يسرح في حاجات أخرى؟

سؤال:

واحد بيقول عندما أكون في اجتماع أو محاضرة داخل الكنيسة أو خارجها فكري بيسرح في أشياء أخرى ولا أطلع بنتيجة؟ ^[1]

 الإجابة:

إن كان فكرك دلوقتي مش سرحان اسمع كلامي إللي هقوله لك، أحسن أكون برد عليه وهو سرحان…

طبعًا مش كل اجتماع هتسرح فيه ومش كل كنيسة هتسرح فيها، لكن بصفة أن العقل من طبيعته إنه يسرح أحيانًا إذا سرح عقلك اربطه في موضوع روحي، لكن لا ماتخلهوش يشت في موضوع خارج عن الروحيات، يعني لقيت عقلك سرح حاول إنك تربطه بأي موضوع روحي تتأمل في حاجة روحية، في آية روحية، في كلمة روحية لغاية لما ترجع تاني للحتة إللي أنت قاعد فيها، لكن تسرح خالص بره الاجتماع خالص، أو في حاجة دنيوية دي مش كويسه، حاول تركز أثناء الاجتماعات، وأثناء الكنيسة، إن ما قدرتش وفكرك سرح صلي من أجل الموضوع إللي تسرح فيه اربط نفسك في موضوع روحي.

^{[1] سؤال أجاب عنه قداسة البابا شنوده في عظة بعنوان ” معرفة الله جـ1″ بتاريخ 22 يناير 1992م}