سؤال نبه علينا أحد الأساقفة إن أثناء التناول ممنوع رشم الصليب؟

سؤال:

واحد بيقول نبه علينا أحد الآباء الأساقفة إنه أثناء التناول ممنوع رشم الصليب؟ [1]

الإجابة:

هو ساعات فيه ستات لما يجوا يتناولوا يجوا يرشموا الصليب يخبطوا الكاس بإيديهم يوقعوه على الأرض ناس كتير بالشكل دا، فيبقى أحسن يبقى رشم الصليب في قلبه أو قبل ما يتقدم للمناولة لكن يتقدم وبينه وبين الصليب مافيش 3 سم ويقعد، مش من أجل خطية إنما من أجل ماتحصلش أذية يعني.

كما إن إحنا بعد حلول الروح القدس الكاهن مابيرشمش الأسرار، إنما ترشم منها وبها يعني يرشم الجسد بالدم والدم بالجسد، حتى ما بيرشمش الشعب ويتجهه إليه بعد حلول الروح القدس لأ.

فأنت ارشم الصليب بينك وبين نفسك قبل ما تتقدم لكن ماتقعدش، فيه ناس ساعات يجوا يتناولوا بلهوجة عارفين يعني إيه لهوجة؟! تبص تلاقي الواحد قاعد يسجد قاعد يطلع فوق.. يتمد.. ليه كدا؟ ما يتناول بهدوء ووقار.   

^{[1] سؤال أجاب عنه قداسة البابا شنوده في عظة بعنوان ” يونان النبي” بتاريخ 19 فبراير 1992م}