كيف نَعرِف إن التجرُبة التي حدثَت من الله؟
سؤال:
كيف نعرِف أن التجرُبة التي حدثت هي من الله أم هي تجرُبة من الشيطان؟ [1]
الإجابة:
التجرُبة إللي من الله تتَميز على الأقل بتلات، أربع أمور:
- أول أمر إنها ليست للشَر لأن الله لا يُجرِب بالشرور.
- تاني حاجة إنها على قَدر إمكانياتك، على قَدر استطاعتك لأن بيقول: “أمينٌ هو الرَب لا يُجرِبكم فوق ما تَطيقون”.
- تالت حاجة إن التجرُبة إللي من عند ربنا معَاها المَنفَذ، معَاها إيه؟ المَنفَذ، وده هو إللي موجود في كورنثوس الأولى 10 بيقول: “لَمْ تُصِبْكُمْ تَجْرِبَةٌ إِلاَّ بَشَرِيَّةٌ. وَلكِنَّ اللهَ أَمِينٌ، الَّذِي لاَ يَدَعُكُمْ تُجَرَّبُونَ فَوْقَ مَا تَسْتَطِيعُونَ، بَلْ سَيَجْعَلُ مَعَ التَّجْرِبَةِ أَيْضًا الْمَنْفَذَ، لِتَسْتَطِيعُوا أَنْ تَحْتَمِلُوا”.
فيُبقى مفيش تجرُبة بالشرور، مفيش تجرُبة فوق طاقتكم، ثالثًا معَ التجرُبة المَنفَذ. يعني لو نِفدت مِنها تبقى مِش من ربنا، بس جايز تكون مِن ربنا وأنتَ في احتمالك لكن أنتَ مش عايز تِحتِمل، لكن في إمكانك إنك تِحتَمل.
[1] سؤال أجاب عنه قداسة البابا شنوده في عظة بعنوان “روحياتنا في الصوم الكبير” بتاريخ 21 فبراير 1990م