سؤال واحد بيقول أنا طالب جامعي قد نلت رتبة الشماسية منذ طفولتي ولا استطيع الانتظام في الألحان فماذا أفعل؟

سؤال:

 واحد بيقول: أنا طالب جامعي قد نلت رتبة الشموسية منذ طفولتي. (على فكرة اسمها رتبة الشماسية. الشموص هو الجموح في اللغة، ساعات كتير أوي يجيني يقول لك تهنئة برتبة الشموسية مفيش حاجة اسمها شموسية اسمها رتبة الشماسية) منذ طفولتي وظننت أنها مجرد لقب والآن لا أستطيع الحضور والانتظام في الألحان. فماذا أفعل حتى أنال بركة هذه الرتبة؟ ^[1]

الإجابة:

الشماسية ليست فقط لخدمة المذبح؛ ليها عمل في خدمة التعليم، وعمل في الخدمة الاجتماعية وحاجات زي دي. اسطفانوس أول الشمامسة كان بيخدم في خدمة التعليم، وفي الخدمة الاجتماعية فيعني إن ما كنتش تقدر تبقى تشتغل في نواحي أخرى من خدمة الشماسية، زي التعليم، أو الخدمة الاجتماعية، أو حاجات زي دي.

ومع ذلك ليه ما تتعلمش ألحان؟ طب الكنيسة كلها بترد مردات أثناء القداس مش بس الشمامسة ولا المعلم، الكنيسة كلها بترد فهل أنت ما بتردش خالص في الكنيسة؟ لا اتعلم شوية ولا صوتك يعني مش ملائم؟ جرب وهتلاقي إنها سهلة، جرب وتلاقي إنها سهلة، أنا كنت زيك برضو وكنت أتكسف أرفع صوتي في الكنيسة خالص.

في أيامنا كانوا الشمامسة دول لوحدهم وبتوع مدارس الأحد لوحديهم وبعدين شوية بشوية ابتدينا أتعلم ألحان، أتذكر أول مرة خدمت فيها شماس كان بعد ما اترهبنت وما كانوش لاقيين حد يرد فقالوا لي: رُدّ وزي ما تطلع. وشوية بشوية لقتني قدرت أتمرن على الألحان، وعلى الإبصلمودية، وعلى القداس… يعني ممكن.

^{[1] سؤال أجاب عنه قداسة البابا شنوده في عظة بعنوان ” القسوة” بتاريخ 12 فبراير 1992م}