سؤال واحد بيقول أنا أميل لزميلة غير مسيحية ولما شعرت أوحت أنها تريد أن تكون مسيحية؟

سؤال:

واحد بيقول لي: زميلة غير مسيحية، ولكن أميل نحوها، ولما شعرت بذلك أوحت لي في المجال إنها تريد أن تصير مسيحية؟ ^[1]

الإجابة:

نصيحتي لك ابعد عنها، فافرض قالت لك كده، وبعد ما اتجوزتك رجعت كما كانت، يبقى تعمل إيه في العيال؟ خليك عاقل شوية. شوية كتير.

 ومن جهة الميل، الميل واحد يميل نحو واحدة أو واحدة تميل نحو واحد، نصيحتي ليكوا الواحد قبل ما يسمح لقلبه إنه يميل، يشوف السكة مفتوحة ولا مسدودة. إن كانت مسدودة، لا يتمادى في هذا الميل، وياخدها من قاصرها ما دام السكة مسدودة، لكن يتمادى لغاية لما يتعب روحه، وبعدين يجي لنا يقول: أعمل إيه؟ روحي تعبت. لأ، دايمًا تشوف السكة مفتوحة ولا مسدودة، والميل هيودي لفين.

^{[1] سؤال أجاب عنه قداسة البابا شنوده في عظة بعنوان “الإنسان وكيف يكون ضد نفسه”، بتاريخ 17 سبتمبر 1986م}