سؤال نريد نَبذَة بسيطة عن الهراطقة مثل أوطاخي ونَسطور من باب العِلم؟

سؤال:

نريد نَبذَة بسيطة عن الهراطقة، مثل: أوطاخي ونَسطور، من باب العِلم؟ ^[1]

الإجابة:

عايز نَبذَة تِكِتِب يعني، ولا نقول لك لوقتي، ولا إيه؟! هو طبعًا الناس مش كلهم يقدروا يستوعبوا الأمور اللاهوتية كتير.

أوطاخي من دِفَاعُه عن لاهوت المسيح، تقريبًا أَنكَر ناسوته، فقال: إن ناسوته ابتلُع في لاهوته وبقي زي نُقطة في البحر، فكأن ما لهوش وجود، يعني أَنكر ناسوت المسيح في الدِفاع عن لاهوته.

نَسطور نَسطور لم يعتقد إن العذراء هي والدة الإله، إنما والدة الإنسان يسوع، إنها أنجبت إنسانًا وهذا الإنسان حَلّ فيه اللاهوت. وحتى حلول اللاهوت لا يعتبره حلول أُقنومي ولا اتحاد وإنما مُصَاحَبَة، طب ما زي القديسين، ممكن إنسان واللاهوت يُصَاحِبُه. فكأن نَسطور برضُو أَنكر لاهوت المسيح.

ولذلك النقطة إللي كانت مشكلة نَسطور هي نقطة ثيؤطوكوس، وثيؤطوكوس يعني والدة الإله، فهو لا يؤمن بكدة، يؤمن إنها أنجبت إنسان عادي. بس كده.

^{[1] سؤال أجاب عنه قداسة البابا شنوده في عظة بعنوان “يونان النبي” بتاريخ 19 فبراير 1992م}