سؤال عن الشماسات؟

سؤال:

ناس بيسألوا عن الشماسات… الشماسات هل التقديم من الكنيسة التي تتبعها أم عن طريق أب الاعتراف؟ ^[1]

الإجابة:

مفروض الكنيسة تقدم الشماسة. وأب الاعتراف إن كان يمثل الكنيسة يبقى معلش، لكن إذا كان واحدة هتخدم في الكنيسة وأب اعترافها من كنيسة أخرى، يبقى مش هيقدر يفرضها على الكنيسة اللي هتخدم فيها. ومفروض يكون التقديم في الأسبوع دا، يعني يوم الخميس المقبل إن شاء الله هبتدي أجمع هذه التذكيات، والخميس اللي بعده.

بيقول هل في مجالات أخرى؟

في مجالات أخرى في مناسبات أخرى.

وهل هي دعوة من الله؟

هي طبعًا أصل كلمة الدعوة من الله كلمة كثيرة المعاني، لكن إذا كان إنسان بيخدم فعلًا في الكنيسة، وعنده استعدادات للكنيسة، وواحدة مدية وقتها كله للكنيسة، يبقى إذا سألنا عن الدعوة نقول الدعوة اللي خلتها تخدم قبل كده. فهي بتخدم فعلًا، بس هتاخد صفة رسمية. فإذا كانت عايزة دعوة، يبقى الدعوة اللي اللي خلتها خدمت قبل كده.

هل هناك اختبارات قبل الالتحاق مثل الرهبنة؟

طبعًا هنشوفهم كلهم وهنشوف حكاياتهم.

^{[1] سؤال أجاب عنه قداسة البابا شنوده في عظة بعنوان “المسيح والكنيسة” بتاريخ 22 مايو 1981م}